Contents
§ 1Virkeområde og formål#
Formålet med forskrifta er å konkretisere krava til fysisk sikkerheit i krisesentertilbodet og tilsvarande butilbod. Både tilsette og brukarar skal sikrast gjennom forskrifta. Med fysisk sikkerheit i krisesentertilbodet meinast tiltak som forhindrar eller forseinkar uvedkommande å ta seg inn i lokalet. Det omfattar og tiltak innandørs på krisesenteret for å trygge brukarar og tilsette som oppheld seg i krisesenterlokalet, særleg med tanke på brukarar som kan utgjere ein risiko.
§ 2Kommunen som ansvarleg#
Kommunen har ansvar for den fysiske tryggleiken i krisesentertilbodet. Kommunen har eit særskilt ansvar for at krisesenteret og dei tilsette settast til stand til og gjevast kompetanse til å kunne kartleggje behov for og gjennomføre individuelle sikkerheitstiltak. Kommunen må sørge for ordningar som sikrar at det er tilsette tilgjengeleg heile døgnet for å ivareta den fysiske tryggleiken for brukarar av krisesenteret.
§ 3Krav til fysisk sikring av lokala og uteområda i krisesentertilbodet#
Følgjande tiltak skal ligge føre:a. Porttelefon og overvakingskamera ved dørb. Sikre dører med sikkerheitslåsc. Sikra vindauge som berre kan opnast og låsast innanfråd. Innbrotsalarme. Skjerma innsyn til krisesenteret frå gateplan og nærområde.Kommunen må gjere risikovurderingar og vurdere om følgjande tiltak bør ligge føre:a. Utvida inngangsparti eller sluse ved inngang til krisesenteretb. Oversiktleg og skjerma åtkomst med lys og rørslesensorar tilpassa bygningstype og lokaliseringc. Oversiktleg, opplyst og skjerma uteområde. Uteområde tilrettelagt for brukarar bør vere utforma slik at uynskt inntrenging ikkje er moglegd. Hærverkshemmande eller innbrotssikre sikkerheitsglas.
§ 4Individuelle sikkerheitstiltak#
Individuelle sikkerheitstiltak er tiltak som er tilpassa den enkelte brukar og tilsette sitt behov for fysisk sikring ved opphald på krisesenteret.Følgjande tiltak skal gjennomførast:a. Tilsette skal kartleggje brukaren sitt trusselbilete. Dette gjeld både brukarar som er vaksne og barn.b. Tilsette må, saman med brukaren, vurdere kva sikkerheitstiltak som er naudsynte ved opphald på krisesenteret, og gjere brukar medviten om desse. Dersom tilsette, saman med brukar, finn at det er behov for særskilde sikkerheitstiltak, skal politiet kontaktast.c. I dei høve kor politiet, saman med krisesenteret, finn at den fysiske sikringa ved krisesenteret ikkje godt nok beskyttar brukaren, påleggjast kommunen i samarbeid med lokalt politi å flytte brukar til eit anna sikkert krisesentertilbod. Krisesenteret må gjere ei vurdering av kva anna krisesentertilbod som kan vere aktuelt å flytte brukar til, basert på brukaren sitt sikkerheitsbehov.d. Kommunen skal jamleg sørge risikovurderingar av dei tilsette sitt behov for fysisk sikring.Kommunen bør sjå til at krisesenteret utarbeidar ein plan for den fysiske sikkerheita og gjennomføringa av dei individuelle sikkerheitstiltaka ved krisesenteret etter denne forskrifta. I tillegg bør kommunen sørge for at det ligg føre prosedyre for kartlegging av beskyttelsesbehovet for brukarane.
Kommentarer til de enkelte bestemmelsene
Contains data from Lovdata (lovdata.no) under the Norwegian Licence for Open Government Data (NLOD) 2.0.