Contents
Kapittel 1 · Innleiande føresegner
§ 1Føremål#
Forskrifta fastsett reglar for søknad om, og innmelding og bruk av satellittinnmeldingar, som skal sikre at innmeldinga og innmeldingsprosessen er i samsvar med ekomlova og innanfor folkerettens rammer.
§ 2Verkeområde#
Forskrifta gjeld krav til søkjar om satellittinnmelding, innhald i søknad om satellittinnmelding og koordinering og bruk av satellittinnmeldingar, som Nasjonal kommunikasjonsmyndigheit melder inn til Den Internasjonale Teleunionen (ITU).
§ 3Definisjonar og forkortingar#
I forskrifta tydar:a. satellitt: ubemanna kunstig objekt som er plassert i bane rundt jorda.b. satellittsystem: system for radiokommunikasjon mellom ein eller fleire satellittar og tilhøyrande jordstasjonar.c. satellittinnmelding: ei elektronisk fil på det formatet som er fastsett i medhald av forskrifta og med det tekniske innhaldet som ITU (Den Internasjonale Teleunionen) krev i samband med koordinering og notifisering av satellittsystem i medhald av ITU-RR (Den Internasjonale Teleunionens Radioreglement).d. satellittoperatør: den som skal operere og drifte satellittsystemet, og koordinere og bruke satellittinnmeldinga.e. ITU: Den Internasjonale Teleunionenf. ITU-RR: Den Internasjonale Teleunionens Radioreglement.Elles gjeld definisjonane i lov 13. desember 2024 nr. 76 om elektronisk kommunikasjon.
Kapittel 2 · Søknad om og koordinering av satellittinnmelding
§ 4Krav til søknad#
Ein satellittoperatør som vil melde inn eit satellittsystem til ITU må sende søknad om innmelding til Nasjonal kommunikasjonsmyndigheit.Søknaden skal vere på det formatet og innehalde den informasjonen som krevjast i medhald av ITU-RR. Søknaden skal òg innehalde eit samandrag av søknaden og dokumentasjon som viser at kravet i § 5 er oppfylt. Nasjonal kommunikasjonsmyndigheit kan utarbeide ein rettleiar for utfylling av søknaden.
§ 5Krav til søkar#
Søkar må vere ein satellittoperatør som er registrert i norsk føretaksregister. Satellittoperatøren må òg ha slik verksemd, organisasjon eller tilknyting til Noreg at norske myndigheiter er relevant myndigheit for å gjennomføre innmeldinga til ITU.Søkar skal dekke kostnadane staten har overfor ITU i samband med innmeldinga. Nasjonal kommunikasjonsmyndigheit kan krevje at søkar leverer bankgaranti før søknaden om satellittinnmelding vert sakshandsama.
Kapittel 3 · Bruk og notifisering av satellittinnmelding
§ 7Krav til bruksløyve#
Ein satellittoperatør som vil bruke satellittinnmeldinga må sende søknad om bruksløyve til Nasjonal kommunikasjonsmyndigheit.Søknaden må innehalde:a. dokumentasjon som viser status for koordineringsprosessen med relevante norske satellittsystem,b. ei liste over status for koordineringsprosessen med satellittsystem som er identifisert av ITU.Satellittoperatøren plikter å sørgje for at bruk av satellittinnmeldinga ikkje skapar skadeleg interferens.
§ 8Notifisering av satellittinnmeldinga#
Ein satellittoperatør kan søke Nasjonal kommunikasjonsmyndigheit om notifisering av satellittinnmeldinga til ITU.Søknaden må vere på det formatet og innehalde den informasjonen som krevjast i medhald av ITU-RR.Søknaden må òg innehalde:a. dokumentasjon som viser status for koordineringsprosessen med relevante norske satellittsystem.Nasjonal kommunikasjonsmyndigheit kan sende satellittinnmeldinga vidare til ITU for notifisering og endeleg registrering i Master International Frequency Register (MIFR).
Kapittel 4 · Generelle føresegner og tilsyn
§ 9Stans i innmeldingsprosessen#
Nasjonal kommunikasjonsmyndigheit kan nekte å gjennomføre innmeldinga til ITU når vilkår som er fastsett i eller i medhald av forskrifta ikkje er oppfylt.
§ 10Overdraging ved sal eller utleige av løyve#
Nasjonal kommunikasjonsmyndigheit kan etter søknad fatte enkeltvedtak som gjev innehavar av løyve etter § 6 og § 7, rett til å overdra løyvet ved sal eller utleige. Overdraging ved sal og ved vesentlige endringar i eigarsamansetning eller eigarstruktur hjå satellittoperatør skal meldast Nasjonal kommunikasjonsmyndigheit utan ugrunna opphald. Nasjonal kommunikasjonsmyndigheit kan stille vilkår til overdraginga. Nasjonal kommunikasjonsmyndigheit kan nekte overdraging, dersom ny innehavar ikkje oppfyller krava fastsett i forskrifta.
§ 11Tilsyn#
Nasjonal kommunikasjonsmyndigheit fører tilsyn med at føresegnene i forskrifta eller vedtak fatta med heimel i forskrifta overhaldast, jf. ekomloven § 15-1.
§ 12Reaksjonar#
Nasjonal kommunikasjonsmyndigheit kan gi pålegg om retting eller opphør av ulovlege forhold som er i strid med krava fastsett i medhald av forskrifta, jf. ekomloven § 15-5.Nasjonal kommunikasjonsmyndigheit kan ved brot på krav i eller i medhald av forskrifta fatte vedtak om tvangsmulkt etter ekomloven § 15-11, eller vedtak om tilbakekall etter ekomloven § 15-6.
§ 13Sektoravgift#
Satellittoperatøren skal betale ei årleg sektoravgift til Nasjonal kommunikasjonsmyndigheit etter forskrift 20. mars 2017 nr. 386 om sektoravgift og gebyr til Nasjonal kommunikasjonsmyndigheit.
§ 14Klagemyndigheit#
Digitaliserings- og forvaltningsdepartementet avgjer klage over enkeltvedtak fatta av Nasjonal kommunikasjonsmyndigheit.
Contains data from Lovdata (lovdata.no) under the Norwegian Licence for Open Government Data (NLOD) 2.0.